अवैध औषधी बिक्री गर्ने मेडिकल सञ्चालकसहित ९ जना पक्राउ - Nigranitimes

अवैध औषधी बिक्री गर्ने मेडिकल सञ्चालकसहित ९ जना पक्राउ

फागुन ११ गते, विराटनगर । मोरङको सुन्दरहरैचा नगरपालिकाबाट अवैध औषधी बिक्री गर्ने दुई मेडिकलका सञ्चालकसहित ७ जनालाई प्रहरीले पक्राउ गरेको छ ।

सुन्दरहरैचा स्थित बिराटचोकका नेति फर्मा र डे–ड्रिम मेडिसिन सेन्टरका सञ्चालक ठुलो परिणामको अबैध औषधीसहित पक्राउ परेको हो । पक्राउ पर्नेमा मेडिकल संचालक सुन्दरहरैचा १० का ४५ बर्षीय शुसिल काफ्ले र उनकी श्रीमती ३२ बर्षीया गोमा कार्की रहेका छन् । यस्तै, लागुऔषध सेवनकर्ताहरु सुन्दरहरैचा १ का २३ बर्षीय सनम खवास, सुन्दरहरैचा १० का ३० बर्षीय अरुण राई, ३५ बर्षीय सनम तामाङ, सुन्दरहरैचा ९ का २४ बर्षीय सुवास राई, २२ बर्षीय जुसन सुनाम, ३१ बर्षीय निमेस परियार र ३४ बर्षीय अनुप खड्का रहेका छन् ।

उक्त दुई मेडिकलबाट प्रहरीले स्पास्पेन ४४ हजार ३७० चक्की, एन्टिकफ १७ हजार ६२० चक्की, न्युरिन १८ हजार ९२३ चक्की, प्रि जेड १ हजार २ सय चक्की र अपाबलिन १४ हजार ६ सय चक्की बरामद गरेको छ । उनीहरुलाई पक्राउ गरेसंगै उक्त औषधी खरिद गरी लागुऔषधकोरुपमा प्रयोग गर्ने अन्य ७ जनालाई पनि पक्राउ गरिएको प्रहरीले जनाएको छ । उक्त दुई मेडिकलबाट चिकित्सकको अनुमती बिना अबैधरुपमा महंगो मुल्यमा लागुऔषध दुर्ब्यसनीहरुलाई अनाधिकृतरुपमा औषधी बिक्रीबितरण गरिरहेको बिशेष सूचना प्रहरीले पाएको थियो ।

सोही सुचनाको आधारमा १ नम्बर प्रदेश प्रहरी कार्यलाय बिराटनगरको आरआइटी समुह र ईलाका प्रहरी कार्यालय बेलबारीको टोलीले हिजो सोमवार उनीहरुलाई पक्राउ गरेको हो । अनाधिकृत रुपमा दुर्ब्यसनीमा लागेका ब्यक्तिहरुलाई औषधी बिक्री बितरण गर्ने दुवै मेडिकल सञ्चालकलाई ठूलो परिणामको औषधीहरुसहित नियन्त्रणमा लिएर थप अनुसन्धान भईरहेको ईलाका प्रहरी कार्यालय बेलवारीले जनाएको छ ।

सम्बन्धित खवर