फिफा क्लब विश्वकपमा ३२ टिमको घोषणा - Nigranitimes

फिफा क्लब विश्वकपमा ३२ टिमको घोषणा

एजेन्सी – विश्व फुटबलको सर्वोच्च निकाय (फिफा) ले ३२ टिम सहभागी हुने गरी नयाँ फिफा क्लब विश्वकपको कार्यक्रम घोषणा गरेको छ ।

फिफाका अध्यक्ष जियानी इन्फान्टिनोले एसियाली राष्ट्र कतारमा भइरहेको फिफा विश्वकपको फाइनल अघिको पत्रकार सम्मेलनमा सन् २०२५ बाट शुरु हुने क्लब विश्वकपमा ३२ टोली सहभागी हुने बताएका हुन् ।

फिफाले यसअघि नै यो कार्यक्रमको तय गरेपनि २०१९ को अन्त्यतिरबाट चीनबाट शुरु भएको कोरोना भाइरस (कोभिड–१९) को महामारीका कारण यो कार्यक्रम स्थगित भएको थियो ।

युरोपका ठुला क्लबको अस्वीकारका बीच फिफाले नयाँ क्लब विश्वकपको कार्यक्रम घोषणा गरेको थियो । ‘यो हरेक ४ वर्षमा ३२ टिमका क्लब सहभागी क्लब विश्वकप हुनेछ ।

यसको पहिलो संस्करण सन् २०२५ मा हुनेछ । विश्वका उत्कृष्ट टिमलाई प्रतियोगितामा आमन्त्रित गरिनेछ ।’ उनले भने । अध्यक्ष इन्फान्टिनोले कतार विश्वकप अहिलेसम्मकै उत्कृष्ट प्रतियोगिता बनेको दाबी समेत गरेका छन् ।

फिफाले अहिले सात महादेशका उत्कृष्ट ७ टिमलाई सहभागी बनाएर क्लब विश्वकपको आयोजना गर्दै आइरहेको छ । उनले यसलाई छलफलबाट टुंगो लगाउने र यो क्लब विश्वकप कुनैपनि हालतमा हुने बताए ।

 

सम्बन्धित खवर