फागुन ३ गते, पथरी । मोरङको पथरीशनिश्चरे वडा नम्बर १० मा निःशुल्क पशु उपचार शिविर सञ्चालन गरी ४ हजार ९ सय ७७ पशुपंक्षीको उपचार तथा औषधि वितरण गरिएको छ ।
नगरको पशुपंक्षी शाखाको आयोजनामा सम्पन्न शिविरमा ३ सय २० घरधुरीका २ सय ८४ गाई÷भैंसी, १ हजार १ सय ८ बाख्रा, २ हजार ३ सय ४० कुखुरा, १ हजार २ सय ४५ बंगुरलाई औषधि प्रदान गरिएको शाखा प्रमुख हेमचन्द्र दहालले जनाए ।
जसमध्ये, ४ हजार २ सय ४६ को मेडिकल उपचार, ६ सय ४१ को माइनर सर्जिकल उपचार र ९० को गाइनोक्लोजिकल उपचार गरिएको छ । नगरको १ लाख रुपैयाँ बजेटमा सञ्चालित शिविरमा वडाध्यक्ष सागर राई सहितको सहभागिता रहेको थियो ।
