माघ १३ गते, रमाइलो । कानेपोखरी गाउँपालिकामा स्थापित रमाइलो जेसीजको छैठौँ पदस्थापना कार्यक्रम सम्पन्न भएको छ ।
बिहिबार कानेपोखरी ६ स्थित रमाइलो जनएकताको सभाहलमा भएको कार्यक्रममा बर्ष २०२३ को प्रिसिडेन्ट तथा पदाधिकारीहरुको पदस्थापना भएको हो । कार्यक्रममा प्रदेश सदस्य माननीय मान प्रसाद लिम्बु प्रमुख अतिथि रहेका थिए । बर्ष २०२३ को प्रिसिडेन्ट मातृका कोइरालाले पदभार ग्रहण गरेका छन् ।
बर्ष २०२२ को प्रिसिडेन्ट त्रिभूनाथ फुयल(सन्तोष)ले बर्ष २०२३ को प्रिसिडेन्ट मातृका कोइरालालाई पद हस्तान्तरण गरेका थिए । त्यसैगरी का. उपाध्यक्षमा बिवेक लिम्बु र दिपक शर्मा फुयल, उपाध्यक्षमा युवराज कार्की, खिलराज भट्टराई, गंगा तिमिल्सिना र आश्विन भट्टराईले पद ग्रहण गरेका छन् ।
त्यसैगरी सचिबमा अनिल रिजाल, महासचिवमा केशब भण्डारी, कानुनी सल्लाहकारमा मनोज अधिकारी र कोषाध्यक्ष अनिल कार्कीले पनि पद ग्रहण गरेका छन् । यस अघि भएको रमाइलो जेसीजको पाँचौं वार्षिक साधरणसभाबाट बर्ष २०२३ को कार्यसमिति चयन गरिएको थियो ।
