बैसाख १० गते, कानेपोखरी । मोरङ कानेपोखरी –१, स्थित होक्लाबारीमा प्रथम टि–२० क्रिकेट प्रतियोगिता हुने भएको छ ।
गाउँपालिकाको १ लाख सहयोग र होक्लाबारी युवा क्लबको आयोजनामा बैशाख १३ गतेदेखी सुरु भएर २० गते समपन्न हुने भएको हो । १३ गते देखी हुने पहिलो खेलमा आयोजक होक्लाबारी र सिजुवा विच खेल हुने छ । त्यसैगरी खेलमा इटहरी, पथरीशनिश्चरे, कानेपोखरी, इविसिसि, दमक, लोहन्द्राघाट लगाएतको टिमले सहभागीता जनाएको प्रमोदकुमारले बताए ।
श्रीमावि होक्लाबारीको खेलमैदानमा हुने खेलमा विजेता दिमले ५० हजार, उपविजेताले ३० हजार, ट्रफी, मेडल र प्रमाण पत्र पाउँने छ । प्रत्येक खेलमा म्यान अफ द म्याच १ हजार, बेष्ट बल्लर र वेष्ट ब्याटमेनलाई २५ सय, त्यसैगरी म्यान अफ द सिरिन्ज ५ हजार पुरस्कार रहेको छ । खेल अवधिभर ३ लाख खर्च हुने आयोजकले बताए ।
