कार्तिक ६ गते, पथरी । राष्ट्रिय युवा संघ नेपाल पथरीशनिश्चरे नगर कमिटीले आयोजना ‘युवासँग उम्मेद्वार कार्यक्रम’ मा युथ फोर्स पथरीशनिश्चरे नगर कमिटी गठन भएको छ ।
मंसिर ४ गते हुने प्रतिनिधिसभा र प्रदेश सभाको चुनावलाई केन्द्रीत गर्दै भक्त राईको संयोजकत्वमा पथरीशनिश्चरे नगर युथ फोर्स कमिटी गठन गरेको हो । राईको संयोजकत्वमा १ सय ५१ सदस्य नगर कमिटी निर्माण गरिएको छ ।
सह–संयोजक देव साम्पाङ, सदस्यहरुमा प्रभ रसाइली, रामकुमार राई, कुलमणि गुरुङ, रोश थक्लुङ, तेजपाल लिम्बु, रोहित सुब्बा, चन्द्र थाम्सुङ, प्रकाश राई, श्याम विक, शंकर महतो (सेवारो), दिपराज राई, नरेश सुब्बा, सुभाष राई, निर्मल साँवा, राजन तिम्सिना, राम श्रेष्ठ, उमेश श्रेष्ठ, गणेश श्रेष्ठ लगायत रहेका छन् ।
कार्यक्रममा प्रतिनिधि सभा सदस्य उम्मेद्वार तथा नेकपा एमाले स्थायी कमिटी सदस्य तथा पूर्व मन्त्री भानुभक्त ढकाल, प्रदेश कमिटी सदस्य उम्मेद्वार तथा पथरीशनिश्चरेका निवर्तमान मेयर दिलिपकुमार राई (किशोर) र समानुपातिक उम्मेद्वार नरनाथ लुइटेलले आफ्नो प्रतिबद्धता जाहेर गरेका थिए । कार्यक्रममा एमाले केन्द्रिय सदस्य युवाराज बास्कोटा, प्रदेश सदस्य ताराबहादुर काफ्ले, जिल्ला सचिवालय सदस्य भोला अधिकारी, जिल्ला सचिवालय सदस्य रविन थापा, जिल्ला सदस्य भूपाल श्रेष्ठ, नविन पौड्याल, राष्ट्रिय युवा संघ नेपाल केन्द्रिय उपमहासचिव विजय डाँगी, युवा नेता मनि लुम्फुवा लगाएत उपस्थित भएका थिए । युवा संघ पथरीशनिश्चरेका अध्यक्ष किसन राईको अध्यक्षतामा भएको कार्यक्रम काशीहाङ राईले सञ्चालन गरेका थिए ।
