पुस १७ गते, पथरी । मोरङको पथरीशनिश्चरेमा अभिभावक शिक्षा सम्वन्धी ३ दिने कार्यशाला विहिबारबाट सुरु भएको छ । पथरी शनिश्चरे नगरपालिकाको संयोजन तथा कारिता नेपाल र कारितास कोरियाको सहयोगमा सञ्चालित कार्यशालाको एक कार्यक्रमकाबीच पथरी शनिश्चरे नगर उपप्रमुख यमुना विष्ट वास्तोलाले उद्घाटन् गरेका थिए ।
सामुदायिक विद्यालयहरुका विद्यालय व्यवस्थापन समिति अध्यक्ष, एकजना महिला सदस्य र प्रधानाध्यापकका लागि सुनाखरी माध्यामिक विद्यालयमा कार्यशाला थालिएको नगरपालिकाका उपसचिव एवम् शिक्षा शाखा प्रमुख शालिग्राम काफ्लेले जनाए ।
निवृत्त उपसचिव अशोक कालाखेती र बेलबारी नगरका उपसचिव एवम् शिक्षा शाखा प्रमुख भूपेन्द्रप्रसाद कोइरालाले कार्यशालाको सहजिकरण गरिरहनु भएको छ । तालिममा ८४ जनाको सहभागिता रहेको छ ।
