असोज २७, कानेपोखरी । मोरङको कानेपोखरी ६ मा स्थापित रमाइलो जनएकता साकोसको आयोजनामा भएको रक्तदान कार्यक्रममा ३८ पिन्ट रगत संकलन भएको छ ।
संस्था एकीकरण पश्चात भएको दोस्रो साधरण सभाको दिन भएको रक्तदान कार्यक्रममा सो बराबरको रगत संकलन भएको हो । नेपाल रेडक्रस सोसाइटी रक्तसञ्चार केन्द्र धरानको प्राविधिक सहयोगमा रगत संकलन भएको संस्थाका सदस्य एकराज फुयलले बताए ।
संस्थाले बार्षिक रुपमा दुईपटक रक्तदान गर्दै आएको छ । संस्थाले रगत दिएवापत सेयर सदस्यहरुलाई प्रमाण पत्र प्रदान गरेको छ ।
