फागुन २४ गते, पथरी । पथरीशनिश्चरे १० मा ११२ औं अन्तरराष्ट्रिय महिला दिवसको अवसरमा महिलाका लागि ३ महिने सिलाइ कटाई तालिमको उद्घाटन गरिएको छ ।
मंगलबार एकता महिला समूहको आयोजना रहेको तालिमको उद्घाटन गर्दै नगर उपप्रमुख यमुना बिष्ट बास्तोलाले महिला दिवसले महिलालाई शिप सिकेर अत्मनिर्भर र ब्यवसायी बन्न प्रेरणा दिने बताउनु भयो ।
समूह अध्यक्ष मन्जु ढकालको अध्यक्षतामा सम्पन्न कार्यक्रममा कार्यपालिका सदस्य मैनादेवी फूयल आचार्य सहितले मन्तव्य ब्यक्त गर्नु भयो । वडा कार्यालयको ७० हजारको बजेटमा तालिम संचालन गरिएको हो ।
