पथरी । लिम्बु पत्रकार संघ मोरङको दोस्रो जिल्ला सम्मेलन पथरीशनिश्चरे–१०, स्थित सिरिजंगा स्मृति धार्मिक वनमा सम्पन्न भएको छ ।
सोमबार भएको जिल्ला सम्मेलनले निगरानी टाइम्सका सम्पादक युवाराज लिम्बू अध्यक्षपदमा निर्वाचित भएका छन् । सम्मेलनले अध्यक्ष युवराज सहित ७ सदस्यीय कार्यसमिति निर्वाचित गरेको हो । उपाध्यक्षमा सरिता लिङ्लेन, सचिवमा बलबहादुर खापुङ र कोषाध्यक्षमा जमुना लिम्बु निर्वाचित भएको थियो । त्यसैगरी सदस्यहरुमा सुजाता निङलेकु, रञ्जन लिम्बु र तारा मिभक रहेका छन् ।
निर्वाचन मण्लका अध्यक्ष फिपराज बेघाले निर्वाचित सबैलाई बधाई ज्ञापन गरेका थिए । त्यसैगरी सम्मेलनले केन्द्रीय प्रतिनिधिको लागी भक्तशेर लिम्बु र रुपेन्द्र शेर्मालाई चुनेको छ ।
लिम्बु पत्रकार संघ केन्दीय अध्यक्ष देबेन्द्र खापुङको प्रमुख आतिथ्यमा भएको कार्यक्रममा उपाध्यक्ष विजयबोध लावती, महासचिव मिलन लिम्बु अतिथि रहेका थिए । प्रमुख अतिथि र अतिथिहरुले शुमकामना मन्तव्य दिएका थिए ।
