मंसिर ३० गते, पथरी । मोरङको पथरीशनिश्चरे नगरमा जारी प्रथम टेन्सवर्ग पथरीशनिश्चरे प्रिमियर लिगको शीर्ष स्थानमा सिरिजंगा फुटबल क्बल पुगेको छ ।
लिग चरणमा सिरिजंगा ६ अंक सहित आफूलाई शीर्ष स्थानमा पु¥याएको हो । २ खेल खेलेको सिरिजंगाले दुवै खेलमा जित हात पार्दै ६ अंक जोडेको छ । टेन नबोदय ३, हिमाअस हाइवेको २, शिखर एफसी, हेरिका न्युस्टार, बाईजीएफटी र द रिअल ब्रदसको १–१ अंक रहेको छ भने देवीगन्ज फुटबल क्बल हालसम्म शून्य अंक रहेको छ ।
मंगलबार भएको खेलमा शिखर एफसीलाई २–१ गोल अन्तरले पराजित गर्दै सिरिजंगा फुटबल क्लब लिगको उच्च अंक बनाउँदै शीर्ष स्थानमा पुगेको हो । खेलको मध्यान्तर अघि गोल रहित बराबरी भएको थियो । खेलको मध्यान्तर पछि ४९ औं मिनेटमा सिरिजंगाका खेलाडी मन्जिल खड्काले पहिलो गोल गर्दै आफ्नो टिमलाई अग्रता दिलाएका थिए ।
खेलको ५९ औँ मिनेटमा सिरिजंगाका जहरमान चेम्जोङले फ्री किक मार्फत दोस्रो गोल गरेका थिए । शिखर एफसीका खेलाडीले सिरिजंगाका दिल कुमार याक्सोलाई डिएरीया नजिक लडाएपछि पाएको फलको चेम्जोङले गोलको सदुपयोग गरेका थिए ।
शिखर एफसीको तर्फबाट खेलको ७९ औँ मिनेटमा सौरज राउतले जवाफि १ गोल फर्काएका थिए । खेलको म्यान अफ द म्याच सिरिजंगाका खेलाडी जहरमान चेम्जोङ लिम्बू घोषित भए । बुधबार टेन नबोदय र वाईजीएफटीबीच प्रतिस्पर्धा हुने आयोजक समितिका सहसंयोजक बिक्की राईले बताए ।
प्रतियोगिताको बिजेताले नगद १ लाख ७५ हजार र उप बिजेताले नगद ७५ हजार सहित ट्रफि, मेडल र प्रमाण पत्र प्राप्त गर्ने आयोजकले जनाएका छन् ।
