साउन १५, पथरी । मोरङको पथरी शनिश्चरे नगरबाट प्रहरीले पुरानो एउटा कटुवा पेस्तोलसहित एक जना युवालाई पक्राउ गरेको छ ।
वडा नं.–३ विकास टोलका ३२ वर्षीय राजकुमार तुम्वापोलाई आइतबार साँझ पक्राउ गरेको हो । प्रहरीले विशेष सूचनाका आधारमा प्रहरीले उनको घरमा छापामारेको थियो । घरमा लुकाएर राखेको अवस्थामा पेस्तोल बरामद भएपछि तुम्वापोलाई पक्राउ गरिएको इलाका प्रहरी कार्यालय पथरीका डीएसपी लक्ष्मी भण्डारीले बताए ।
घरको कोठाको ¥याकभित्र पुरानो अवस्थाको ‘नन वर्किङ’ कटुवा पेस्तोल भेटिएको भण्डारीले बताए । उनले पेस्तोल कुन प्रयोजनका लागि कहिले र कहाँबाट ल्याएको हो भन्ने बारेमा खुल्न बाँकी रहेको जानकारी दिए ।
पक्राउ परेका तुम्वापोलाई इलाका प्रहरी कार्यालय पथरीमा राखेर थप अनुसन्धान गर्ने काम भइरहेको प्रहरीले जनाए ।
