माघ १३ गते, पथरी । किरात याक्थुङ चुम्लुङ पथरीशनिश्चरे नगर शाखाले नेपालको पहिलो रियालिटी शो द भ्वाइस किड्सको फाइनलिष्ट रुक्साना लिम्बुलाई सम्मान गरिएको छ ।
बुधबार सिरिजंगा धार्मिक वनको प्राङ्गणमा एक कार्यक्रमको आयोजना गरी चुम्लुङले सम्मान गरेको हो ।
चुम्लुङ नगर शाखा अध्यक्ष पर्शुराम चोङ्वाङ लिम्बु र सचिव प्रेमबहादुर पङ्याङ्ग लिम्बुले रुक्सनालाई सम्मान–पत्र र दोसल्लाले सम्मान गरेको थियो ।
यस अघि द भ्वइस किड्स प्रतियोगी रुक्साना लिम्बूलाई विजेता बनाउन चुम्लुङ शाखा पथरीले अभियान मार्फत २८ हजार संकलन गरि रुक्सनाकी आमा रेखा लावतीको बैंक एकाउण्ड खातामा जम्मा गरिदिएका थिए । शाखाले अभियान मार्फत विभिन्न संघसंस्था, सुभेच्छुक र मनकारी व्यक्तिहरुबाट दुई दिनमा सहयोग संकलन गरी पठाएको चुम्लुङका सचिव प्रेम पयाङ्गुले बताए ।सम्मान कार्यक्रम पछि मौसम परिवर्तन याक्थुम्बाले शुभकामना मन्तव्य राखेका थिए । सम्मान लिर्दै रुक्सनाले कार्यक्रममा, खेस्सेम्पे,े मन त मेरो नेपाली हो, किन बढ्दैछ ढुकढुकी, यो मन त मेरो नेपाली हो, हिजो आज तिम्रो मेरो‘ लगायतका गीतहरु गाएकी थिइन् । सम्मान कार्यक्रममा गायक तथा संगीतकार देव गुरुङ, गायक तथा म्यूजिक डाईरेकटर ताराबिर पाण्डे, गायक नन्दु गुरुङ, गायक सन्दिप राई लगायतको उपस्थिति रहेको थियो ।
रुक्सनालाई पथरीमा दुईवटा गीत गाउने अवसर
रुक्सना लिम्बुले पथरीमा दुईवटा गीत गाउने अवसर मिलेको छ । पथरीशनिश्चरे नगरका गायक तथा संगीतकार देवीप्रसाद गुरुङको संगीतमा रहेको ‘किन यति धेरै माया बसेको’ बोलको गीत रुक्सनाले गाउने भएकी छिन् । त्यसैगरी गायक तथा म्युजिक डाईरेकटर ताराबिर पाण्डेको ‘तिम्ले खुसी मारेर गयौ’ बोलको गीत रुक्सनासँग गाउने कुरा कार्यक्रम मार्फत् जानकारी दिएका थिए । कार्यक्रममा बोल्दै संगीतकार गुरुङले, रुक्सानाको उज्वल भविष्यको कामना गर्दै नन्दु गुरुङसंग डोयट गीत गाउने कुराको बताए ।
