२८ कात्र्तिक, कानेपोखरी । मोरङको कानेपोखरी गाउँपालिका –६, रमाइलो जनएकता साकोसको सभाहलमा स्टक मार्केट तथा वित्तीय व्यवस्थापनसम्बन्धी तालिम सुरुभएको छ ।
रमाइलो जुनियर जेसीजको आयोजनामा ‘एरिया–ए मल्टी च्याप्टर स्टक मार्केट एण्ड फाइनान्सियल म्यानेजमेन्ट ट्रेनिङ’ कार्यक्रम सुरु गरेको हो ।
रमाइलो जुनियर जेसिजको आयोजनामा शनिबार कार्यक्रमको प्रमुख अतिथि प्रदेश माननीय मान बहादुर लिम्बुले औपचारिक रुपमा तालिम उद्घाटन गरेका थिए ।
कार्यक्रमका विशिष्ट अतिथिहरु कानेपोखरी गाउँपालिका वडा नं. ४ का वडा अध्यक्ष रमेश राउत, वडा नं. ५ का वडा अध्यक्ष चरण गुरुङ, वडा नं. ७ का वडा अध्यक्ष मोहन प्रसाद अधिकारी र जेसिज हिमप्रसाद तिम्सिना, जेसिज त्रिभूनाथ(सन्तोष) फुयल, जेसिज पवन भट्टराई, जेसिज विवेक योङ्हाङ लिम्बु, जनादन भट्टराई, देवेन्द्र थापा लगाएत अतिथि रहेका थिए ।
तालिममा जुनियर जेसिज एरियाका जेसिजमा आवद्ध जेसिजका नेतृत्वकर्ताहरु सहभागि रहेका छन् ।
तालिममा सहभागीहरूलाई सेयर बजार, लगानीका अवसर, वित्तीय व्यवस्थापन तथा आर्थिक अनुशासनका विषयमा जानकारी प्रदान गर्ने उद्देश्य राखिएको छ । कार्यक्रमले युवा तथा नयाँ लगानीकर्तामा वित्तीय साक्षरता अभिवृद्धि गर्दै लगानीसम्बन्धी ज्ञान र सीप विकासमा सहयोग पुग्ने अपेक्षा गरिएको छ ।
कार्यक्रमका सभापतित्व रमाइलो जुनियर जेसिजका अध्यक्ष हेमचन्द्र अधिकारीले गरेका थिए ।
प्रतिक्रिया