१ मंसिर, पथरी । मोरङको पथरी शनिश्चरेका लोकसागर साम्बा बुद्धिचाल प्रतियोगितामा दोस्रो पटक नगर च्याम्पियन बनेका छन ।
सोमबार सम्पन्न ‘सुशिला कन्दङ्वा स्मृति तेस्रो पथरीश निश्चरे रेटिङ बुद्धिचाल प्रतियोगितामा दोस्रो पटक नगर च्याम्पियन बनेको हो ।
प्रतियोगिताको फाइनलमा पुकार राईलाई पराजित गर्दै ८ खेलमा ८ अंकसहित साम्बा च्याम्पियन बनेका थिए । साम्बा गत बर्षपनि च्याम्पियन बनेका थिए । प्रतियोगितामा ६ अंक सहित पुकार राई दोस्रो र समान ६ अंक प्राप्त गर्दै अनिश तामाङ तेस्रो भएको आरबिटर डम्बर बाछना राईले बताए ।
बुद्धिचाल संघ पथरी शनिश्चरे नगर समितिले कात्र्तिक २७ गतेदेखि पथरीको एभरेष्ट बोर्डिङ स्कुलमा आयोजना गरेको थियो ।
त्यस्तै महिला र अन्डर १६ को च्याम्पियन छान्न प्रतियोगितामा टप ५ लाई १०/१० मिनेटको पुन ४ राउण्डको खेल खेलाइएको थियो ।
पछिल्लो प्रतियोगितामा अपराजित रुपमा ४ अंक लिएर सेम्रिल राई महिला च्याम्पियन बनेका छन् । त्यस्तै महिला तर्फ समिरा राई, कृष्टि राई, हेन्खाम्मा राई र करुणा राईले क्रमस दोस्रो, तेस्रो, चौथो र पाँचौ पुरस्कार प्राप्त गरेका छन् ।
त्यसैगरी अन्डर १६ का सिद्धान्त कन्दङ्वा च्याम्पियन भएका छन् । कन्दङ्वाले ४ खेलमा ३.५ अंक ल्याएका थिए । अन्डर १६ मा रिदम राई, दिप्सन अधिकारी, अन्जल थापा र रोहन विक क्रमश.. दोस्रो, तेस्रो, चौथों र पाँचौ पुरस्कार प्राप्त गरेका छन् ।
नगर च्याम्पियनलाई १० हजार, दोस्रोलाई ५ हजार तेस्रोलाई ३ हजार नगद ट्रफी, मेडल र प्रमाणपत्र प्रदान गरिएको थियो । त्यसैगरी महिला र अन्डर १६ का च्याम्पियनहरुलाई ट्रफीसहित ५ हजारको दरले नगर र दोस्रो हुनेलाई ४ देखि पाँचौसम्मालाई १ हजार मेडल, प्रमाणपत्र कार्यक्रमको प्रमुख अतिथि चण्डीप्रसाद राईले प्रदान गरेका थिए ।
पुरस्कार वितरण कार्यक्रममा विशिष्ट अथितिहरु भएरेष्ट बोर्डिङ स्कुलका सञ्चालक रविन कन्दङ्वा, दिनेश कन्दङ्वा, फ्रेण्डसीप चेस क्लवका अध्यक्ष अमिर राई, पञ्चायत माविका खेल शिक्षक नरेश राई लगायतले पुरस्कार प्रदान गरेका थिए । बुद्धिचाल संघ पथरीशनिश्चरे नगर समितिका उपाध्यक्ष तुलसी भण्डारीको सभापतित्वमा कार्यक्रम सम्पन्न भएको थियो भने कार्यक्रम सचिव पुकार राईले सञ्चालन गरेका थिए ।




प्रतिक्रिया