२६ कात्र्तिक, पथरी । मोरङको पथरी शनिश्चरे–८ मा नेपालका १६ औं राष्ट्रिय विभूति महागुरु फाल्गुनन्द लिङ्देनको सालिक निर्माण गरिने भएको छ ।
दोहोलु शुक्रबारेको उत्तरको किरात फाल्गुनन्द युमा माङ्हिममा कात्र्तिक २५ गते महागुरु लिङ्देनको १४२ औं जन्मजयन्तीको अवसर पारेर वडा अध्यक्ष नवीन जङ्ग कार्कीले सालिकको शिलान्यास गर्नुभएको हो ।
कार्यक्रमका प्रमुख अतिथि वडा अध्यक्ष कार्कीले “ विभिन्न विविधता नै नेपालको बिशेषता भएकोले यसलाई जोगाइ राख्नु हामी सबैको कर्तव्य हो ।, एकले अर्काको सम्मान गर्दै महागुरुले देखाउनु भएको बिश्वशान्तीको बाटोमा हिड्न सबैलाई प्रेरणा मिलोस भन्दै शुभकामना व्यक्त गरेका थिए ।”
सालिक निर्माण सम्पन्न गर्न वडा कार्यायबाट चालु आर्थिक वर्षमा ५ लाख रुपैयाँ बजेट विनियोजन गरी निर्माणका काम सुरु गरिएको र यसलाई सम्पन्न गर्न अन्यश्रोतबाट रकम बजेट खोजेर सम्पन्न गर्ने वडा सदस्य बाबुराम चौधरीले बताए ।
कार्यक्रममा लिम्बू भाषा प्रशिक्षक संजय लिम्बुले वडा कार्यलयले माङ्हिमको लागि निरन्तर गरेको सहयोगका लागी सिङ्गो समुदायको तर्फबाट जनप्रतिनिधिहरुलाई धन्यवाद व्यक्त गरेका थिए ।
किरात फाल्गुनन्द युमा माङ्हिममा नयाँ सभाहल निर्माण, नगरपालिकाको तर्फबाट किरात लिम्बू भाषा पढाउने पाठशाला, पाँच लाख लागतको शौचालय निर्माण, लिम्बू जातीको परम्परागत च्याब्रुङ केलाङ नृत्य प्रशिक्षण र गहना तथा पोषाक वितरण लगात काम सम्पन्न गरिसकेको छ ।
वडा नं. ८ ले “वडा नम्बर आठको आकृती, जोगाऔं हाम्रो संस्कृती” कार्यक्रम अन्तर्गत विभिन्न जातजातिको भाषा, सस्कार, सस्कृती संरक्षण गर्ने कार्यक्रम गर्दै आएको छ ।
प्रतिक्रिया