असार ४ गते, पथरी । मोरङको पथरीशनिश्चरे नगरमा नियमित खोप सञ्चालन गर्ने क्रममा रोटा भाइरसबाट हुने पखाला रोकथामको सचेतनाका लागि अभिनय मार्फत बच्चाका आमालाई जानकारी गराइने भएको छ ।
नगरपालिकाको आयोजनामा पथरी नगर अस्पतालले आज खोपमा संलग्न नगरका स्वास्थ्यमर्कीहरुलाई रोटा भाइरसबाट हुने पखाला रोकथाम तथा नियमित खोप सेवामार्फत सरसफाई प्रवद्र्धनका उपाय बारेमा अभिनय गरेर देखाउने कार्यशाला सम्पन्न गरेको छ ।
बच्चाका लागि प्रत्येक महिनाको २० गतेको नियमित खोप लगाउन आउने आमाहरुलाई अभिनय गरेर स्वस्थ र अस्वस्थ अवस्था प्रष्टाउने कार्यका लागि स्वास्थ्य कर्मचारीलाई तालिम प्रदान गरिएको डाक्टर साकारबाबु घर्तीले जनाए । घर्तीले कार्यशालाको सहजिकरण गरेका थिए ।
