२४ भदौ, विराटचोक । माओवादी केन्द्र सम्बद्ध विद्यार्थी संगठन अनेरास्ववियु (क्रान्तिकारी) को १६ औं मोरङ जिल्ला अधिवेशनबाट सरोज किराती निर्वाचित भएका छन ।
आइतबार सुन्दरहरैचा स्थित विराटचोकको उद्योग वाणिज्य संघको हलमा निर्वाचन सम्पन्न भएको थियो । सर्वसहमत नभएपछि अध्यक्ष, उपाध्यक्ष, सहसचिव र कोषाध्यक्षमा चुनाव भएको थियो । निर्वाचनमा १३४ मध्ये अध्यक्षको उमेद्वार सरोज किरातीले ८१ मत ल्याएर बिजयी भएको हो । अध्यक्षका अर्का प्रत्यासी शशी यादव ५३ मत प्राप्त गरेका थिए । अधिवेशनमा जिल्लाको विभिन्न शैक्षिक संस्थाहरुबाट प्रतिनिधि आएका थिए ।
त्यसैगरी तीन उपाध्यक्षको लागि पाँच जना प्रतिष्पर्धामा उत्रेका थिए । उपाध्यक्षमा दिपेश परियार १२७, पुष्कर भट्टराई ६९, आयुद अछामी ६८ मत ल्याई बिजयी भएका थिए । उपाध्यक्षका प्रत्यासी रोशन यादव ५७, अलिल अधिकारी ६४ मत ल्याएको थिए ।
सचिवमा सतिस कार्की सर्वसहमत चयन भएका थिए । दुई सहसचिव पदका लागि चार जनाको उमेद्वार परेको थियो । महिला सहसचिवमा भने रबिना चौधरी सर्वसहमत चयन भएकी छन ।
कोषाध्यक्षमा सितल दर्नाल बिजयी भएकी छन । दर्नाको प्रत्यासी किर्तिका खनाल रहेका थिए ।
नगेन्द्रबहादुर घिमिरे अध्यक्षको गत कार्यकालमा सरोज किराती जिल्लाको बरिष्ठ उपाध्यक्ष रहेका थिए ।
