चैत १८ गते, कानेपोखरी । मोरङको कानेपोखरी गाउँपालिका – ६ नम्बर वडा कार्यालयले वडाका १५० जना जेष्ठ नागरिकलाई सम्मान गरेका छन् ।
विहिबार गाउँपालिकामा र आदर्श चोकमा छुट्टा छुट्टै कार्याक्रमको आयोजना गरी वडाले दोसल्ला, १ थान छाता र फलफुल दिएर सम्मान गरेको हो । ८६ बर्ष देखी १०२ बर्ष सम्मका वृद्धवृद्धालाई सम्मान गरिएको वडाध्यक्ष खड्ग बस्नेतले बताए । कार्यक्रममा प्रमुख अतिथि र अतिथिहरुले दोसल्ला ओढाएर सम्मान गरेको थियो ।
कार्यक्रममा प्रमुख अतिथि गाउँपालिका अध्यक्ष ताराबहादुर काफ्ले र अतिथिहरु गाउँपालिका उपाध्यक्ष राजमती इङ्नाम, प्रमुख प्रशासकिय अधिकृत सन्तोष घिमिरे, स्वास्थ्य संयोजक रोहिन्द्र कुमार राजभण्डारी लगाएत रहेका थिए । कार्यक्रम वडा सदस्य मुना श्रेष्ठले संचालन गरेकी थिइन् ।
