बैशाख ९ गते, पथरी । मोरङको पथरी शनिश्चरे नगरपालिकामा निर्वाचन अधिकृतको कार्यालय स्थापना भएको छ ।
बैशाख ३० मा हुने निर्वाचनको लागि निर्वाचन अधिकृतका कार्यालय शुभारम्भ गरिएको हो । कार्यक्रमा नगरमा अस्तित्वमा रहेका दलका प्रतिनिधिहरूको सहभागिता रहेको थियो । श्रम कार्यालय विराटनगरबाट आएका खगेन्द्र सुवेदी नगरको मुख्य निर्वाचन अधिकृत र कृष्णप्रसाद पौडेललाई सहायक निर्वाचन अधिकृतका रूपमा जिम्मेवारी दिइएको छ ।
नगर कार्यालय परिसरमा खडा भएको कार्यालय स्थापनाका क्रम्म बोल्दै नगर प्रमुख दिलीपकुमार राईले बैशाख ३० मा सम्पन्न हुने निर्वाचनमा सवै दल मिलेर धाधली रहित वातावरण सृजना गराउन लाग्नुपर्नेमा जोड दिए ।
बैशाख ११ र १२ गते हुने उम्मेदवारी मनोनयन दर्ताका लागि समयको पालो मिलाउन १० गते निर्वाचन समितिले सर्वदलीय बैठक राख्ने भएको छ ।
