पौष २ गते, पथरी । मोरङको पथरीशनिश्चरे नगरमा जारी टेन्सबर्ग पथरीशनिश्चरे फुटबल प्रिमियर लिग प्रतियोगिताको दोस्रो चरणको अन्तिम खेलमा द रियल ब्रोदर्स फुटबल क्लब विजयी हुर्दै ४ अंक जोडेको छ ।
विहिबार भएको खेलमा देवीगञ्ज एफसीलाई ३–२ गोल अन्तरले पराजित गदै द रिअल ब्रोदर्स फुटबल क्बल विजयी भएको हो । खेलको १४ औं मिनेटमा देवीगञ्जका बिजय लिम्बुले १ गोल गदै आफ्नो टिमलाई अग्रता दिलाएका थिए । द रियल ब्रोदर्सका सुजन खत्रीले २९ औं मिनेटमा १ गोल गर्दै खेललाई बराबरी बनाएका थिए ।
खेलको ४७ औं मिनेटमा द रियल ब्रोदर्सका देबराज गुरुङले अर्को १ गोल थपेका थिए । त्यसैगरी देवीगञ्जको तर्फबाट ६४ औ मिनेटमा दीपक राईले १ गोल गदै खेलालाई पुन २ बराबरीमा बनाएका थिए । खेलको अन्त्यमा द रियल ब्रोदर्सका तिर्थराज बस्नेतले १ गोल थप्र्दै खेललाई ३–२ को अन्तर बनाएका थिए । खेलको म्यान अफ द म्याच द रियल ब्रोदर्सका तिर्थराज बस्नेत घोषित भए । खेल जितसँगै द रियल ब्रोदर्सले लिगमा ४ अंक जोडेका छन् भने देवीगञ्जको अंक शून्य नै रहेको छ ।
शुक्रबार तेस्रो चरणको पहिलो खेल हेरिका न्युस्टार र शिखर एफसी बीच प्रतिस्पर्धा हुने आयोजक समितिका सचिव मनि लुम्फुवा लिम्बुले बताए । दोस्रो चरणको खेल विहिबार समाप्त हुँदा सिरिजंगा ६, टेन नबोदय ६, द रियल ब्रदर्स ४, हिमाअस हाइवेको २, शिखर एफसी, बाईजीएफटी र हेरिका न्युस्टारको १–१ अंक रहेको छ भने देबिगन्ज हालसम्म शून्य अंक रहेको छ ।
