माघ ९ गते, कानेपोखरी । मोरङको कानेपोखरी–७, आइतबारेमा स्थापित मितेरी युवा क्बलको आयोजनामा ‘मितेरी च्यालेन्ज कप–२०७७’ फुटबल प्रतियोगिता हुने भएको छ ।
क्लबले आइतबारेमा पत्रकार सम्मेलनको आयोजना गरी आगामी माघ २४ गते देखि च्यालेन्ज कपको प्रतियोगिता हुने बताएको हो । फागुन १ गते फाइनल खेल हुर्दै प्रतियोगिता सम्पन्न हुने खेल संयोजक विकल राजसिंह गुरुङले बताए ।
खेलमा मितेरी युवा क्लब कानेपोखरी, सतन युवा क्लब इटहरी, डाँगिहाट फुटबल क्लब बेलबारी, शैनिक फुटबल क्बल झापा, गाईघाट फुटबल क्लब गाईघाट, एपिएफ पकली, धरान फुटबल क्लब धरान र ब्वाइज युनाइटेड काठ्माडौं सहभागी हुने क्लबका अध्यक्ष नविन सुब्बाले पत्रकार सम्मेलनमा जानकारी दिएका छन् ।
प्रतियोगितामा विजेता टिमले ५१ हजार र उपविजेता टिमले ३१ हजार, ट्रफी, मेडल र प्रमाण पत्र प्राप्त गर्ने क्लबका सचिव अनिल परियारले बताए । खेलमा उत्कृष्ट खेलाडी एकजनालाई दैनिक म्यान अफ द म्याच पुरस्कार बापत २ हजार प्रदान गर्ने भएका छन् ।
खेल अवधिभर वेस्ट डिफेन्स, वेस्ट किपर, वेस्ट स्टाईगर, वेस्ट कोच, वेस्ट मिडफिल्ड, सर्वाधिक गोलकर्ता र म्यान अफ द सिरिज लगाएतको खेलको विधामा ५ हजार, ट्रफी, मेडल र प्रमाण पत्र प्रदान गर्ने तयारी रहेको खेल आयोजक समितिले जनाएको छ । खेल दिउँसोको ठिक २ बजे देखि आइतबारे स्थित जनकल्याण माविको खेल मैदानमा हुर्दैछ ।
खेलमा कानेपोखरी गाउँपालिकाले १ लाख र ७ नम्बर वडाकार्यालयले ५० हजार आर्थिक सहयोग प्रदान गरेको छ । त्यसैगरी वडा नं. ७ आइतबारे निवासी देव नन्द, सन्जीव र सुजन गुरुङ तीन भाईले आफ्नो स्वर्गिय पिता मानबहादुर र माता तारादेवी गुरुङको स्मृतीमा खेलको प्रथम पुरस्कार ५१ हजार प्रदान गर्ने भएको छ ।
त्यसैगरी वडा नं. ७ आइतबारे निवासी टंकराज लिम्बु र राजेश राईले खेलको दोस्रो पुरस्कारको राशी ३१ हजार सहयोग प्रदान गर्ने भएको छ । टेन्सवर्ग वियरले १ लाख १० हजार खेलमा लगानी गर्दै खेलको प्रमुख प्रायोजकको रुपमा रहने आयोजकले जनाएको छ । खेलमा जम्मा ७ लाख हुने बताएका छन् । 
