मंसिर २५ गते, पथरी, मोरङ । पथरीशनिश्चरे –९ मा एक दिने निःशुल्क पशु स्वास्थ्य शिविर सम्पन्न भएको छ ।
वडा कार्यालयको १ लाख रुपैयाँ बजेटमा सम्पन्न शिविरमा ६ सय ६८ घरधुरीका १३ हजार ६ को मेडिकल उपचार, १ सय ५६ को माइनर सर्जिकल उपचार र २ सय ४१ को गाइनोक्लोजिकल गरी १३ हजार ३ सय ७६ पशुको उपचार भएको छ ।
शिविरमा ७ सय १४ गाई, २ सय १२ भैंसी, २ हजार ८ सय ७० बाख्रा, ३ हजार ५ सय ४७ बंगुर, २४ ककुर, ५ हजार ९ सय ८ कुखुरा र १ सय १ वटा हाँस रहेको पशुपंक्षी शाखा प्रमुख हेमचन्द्र दहालले जनाउनु भयो । वडाध्यक्ष भानुभक्त राई सहितको उपस्थितीमा शिविर सम्पन्न भएको हो ।
मंसिर २७ गते वडा नम्बर ८ ले र पुस २ गते वडा नम्बर ७ ले निःशुल्क पशु स्वास्थ्य शिविरको आयोजना गर्ने भएको छ । त्यस्तै, नगरपालिकाको कार्यक्रमका रुपमा वडा नम्बर ३ र १० पनि यसखाले शिविर हुनेछ ।
