३० जेठ, पथरी । मोरङ पथरीशनिश्चरे—१ नं. वडा कार्यालयले तीन जना छात्रालाई साइकल प्रदान गरिएको छ ।
बुधबार सुनाखरी माबिको कक्षा १० मा अध्ययनरत छात्रा सुमित्रा गुरुङ, कक्षा ९ मा अध्ययनरत छात्रा गंगा राई र कक्षा ५ मा अध्ययनरत छात्रा झर्ना राईलाई साइकल प्रदान गरिएको हो । वडाले छोरीबुहारी शिक्षा कार्यक्रम अन्र्तगत साइकल प्रदान गरेको छ ।
वडा अध्यक्ष भीमकुमार राईको प्रमुख आतिथ्यतामा भएको कार्यक्रममा नगर कार्यपालिका सदस्य वीरध्वज शिवा, शिक्षक अभिावक संघका अध्यक्ष उपेन्द्र मादेन लिम्बू, वडा सदस्यहरु बसन्ति गुरुङ, आरती बिक लगायतको उपस्थिति रहेको थियो ।
विद्यालय व्यवस्थापन समितिको अध्यक्ष प्रदिपकुमार राईको सभापतित्वमा भएको कार्यक्रममा प्रधानाध्यापक नरेन्द्र घिसिङले स्वागत मन्तव्य राखेका थिए । कार्यक्रममा शिक्षिका भूमिका मगरले सञ्चालन गरेकी थिइन् ।
