मंसिर २२ गते, पथरी । मोरङको पथरीशनिश्चरे ४ नम्वर वडा समितिमार्फत सञ्चालित ५ दिने ‘उद्घोषण तथा सृजनशील’ तालिम सम्पन्न भएको छ ।
स्थानीय नारी दिवश शिप विकास तथा ढाका तान महिला समितिको आयोजनामा ४ नम्वर वडाका महिलाहरुको क्षमता अभिबृद्धिका लागि आयोजित तालिमको सोमबार समापन भएको हो ।
प्रमुख अतिथि वडाध्यक्ष गोविन्द भण्डारीका साथै कार्यपालिका सदस्य भद्रमान विश्वकर्मा, वडा सदस्य अम्बरबहादुर बराइली र तुलसादेवी दर्जीले सहभागिलाई प्रमाणपत्र वितरणका क्रममा महिलाहरु अघि बढ्ने कुरामा वडाले सधैं सहयोग पुर्याउने बताए ।
समिति अध्यक्ष लक्ष्मी भट्टराईको सभाध्यक्षतामा सम्पन्न कार्यक्रममा मुख्य सहजकर्ता नगरपालिकाका सूचना सम्पादक भूपेन्द्रराज तिम्सिना, सहजकर्ता एवम् कार्यक्रम संयोजक मोहन भट्टराई तथा प्रशिक्षार्थीहरु योगमाया ढुंगाना र सरस्वती खड्का बस्नेतले तालिमका सम्बन्धमा विचार व्यक्त गरे ।
तालिममा सो वडाका २५ जना महिलाको सहभागिता रहेको थियो । प्रशिक्षार्थीले तालिम प्रभावकारी बनेको बताए ।
