पुस ५ गते, पथरी । मोरङको पथरीशनिश्चरे –४, स्थित वडा कार्यालयले सहिद, द्वन्द पिडित र अपाङता भएका व्यक्तिहरुलाई सम्मान गरेको छ ।
अपाङता भएको व्यक्ति तथा सहिद, बेपत्ता र द्वन्द पिडित अन्तर्गतको लक्षित कार्यक्रममा वडाका सहिद माधव गौतम र प्रेमबहादुर सुस्लिङ मगर परिवारका सदस्य तथा द्वन्द पिडित सभासद लालबहादुर सुस्लिङ मगर सहितका ६ जना गरि ८ जनालाइ सम्मानित गरेको हो । कार्यक्रममा अपाङ्ता भएका ६ जनालाई ह्विलचियर र ५० जनालाइ ब्लाङ्केट प्रदान गरिएको छ ।
प्रमुख अतिथी पथरीशनिश्चरे नगरका उपप्रमुख यमुना विष्ट वास्तोला, ४ नम्बर वडाध्यक्ष गोबिन्दबहादुर भन्डारी, कार्यपालिका सदस्य भद्रमान विश्वकर्मा, मैना राई लिम्बू, समाजसेवी जहरमान लिम्बूले सम्मान प्रदान गर्दै ह्विलचियर र ब्लाङ्केट वितरण गरेका थिए ।
