पुस १८ गते, पथरी । इलाका प्रहरी कार्यालय पथरीको प्रहरी प्रमुखको निवास भवन शिलान्यास भएको छ ।
निवासको आइतबार इप्रका पथरीका डिएसपी बेद प्रसाद गौतमले शिलान्यास गरेको हो । भवन निर्माणको लागि आर्थिक बर्ष २०७९÷०८० अन्तरगत कानेपोखरी गाउँपालिका र पथरीशनिश्चरे नगरपालिकाले सहयोग गरेपछि भवन निर्माण सुरु गरिएको डिएसपी गौतमले बताए ।
यस अघि देखी इप्रका पथरीमा प्रहरी प्रमुखको निवास थिएन । इन्सपेक्टर प्रमुखको दरवन्दी रहदा भएको आवासलाई डिएसपीहरुले प्रयोग गर्दै आएका थिए ।
