असोज ३ गते, पथरी । राष्ट्रिय युवा संघ नेपाल मोरङको पथरीशनिश्चरे नगर कमिटिले संविधान दिवसको अबसरमा दीप प्रज्वलन गरेको छ ।
आज साँझ वडा नम्बर ४ र ७ को सिमाना किर्तिपुर बजारमा सो कार्यक्रम आयोजना गरेको हो । कार्यक्रममा पहिलो संविधान सभा सदस्य लालबहादुर सुस्लिङ मगर, दोश्रो संविधान सभा सदस्य चण्डीप्रसाद राई, नेकपा प्रदेश कमिटि सदस्य युवराज बास्कोटा, नगर इन्चार्ज दिनानाथ तिम्सिना, पार्टी नगर अध्यक्ष मोहन तुम्बापो लगाएतका नेता तथा कार्यकर्ताको दीप प्रज्वलनमा उपस्थिति भएका थिए । ।
कार्यक्रममा बोल्दै पहिलो संविधान सभा सदस्य सुस्लिङ मगरले जनताको बलिदानी पुर्ण संघर्षले निर्माण भएको सहिदका रक्त अक्षरले लेखिएको संविधानले जनतालाई सार्बभौमसत्ता सम्पन्न बनाएको बताए ।
त्यसैगरी दोश्रो संविधानसभा सदस्य चण्डीप्रसाद राईले आफुलाई र आफ्नो पार्टीलाई जनताले संविधान बनाउन दिएको मत खेर जान नदिएको र अग्रगामी संविधान निर्माण गरेर ऐतिहासिक कार्य सम्पन्न गरेको बताए ।
संघका नगर सह–संयोजक नवीनजङ्ग कार्कीले संचालन गरेको कार्यक्रममा राष्ट्रिय युवा संघ नेपालका मोरङ जिल्ला कमिटी सदस्यहरुः मनि सुब्बा, अनु राई, सुमन कुरुङ्बाङ, भक्त राई नगर संयोजक सुमन लिम्बु पनि उपस्थिति रहेको थियो ।
